Осиё ўйинларининг енгил атлетика спорт турида эркакларлар кўпкурашнинг учинчи йўналишида баҳслашишди.

Ҳамюртимиз Леонид Андреев ядро улоқтиришда 15,75 метр натижа билан 2-ўринни олди. Бунинг учун унга 836 балл берилди. Биринчи ўринни олган эронлик Ҳоди Сепеҳрзод ядрони юртдошимизга 3 см. узоқроққа отди. Яна бир ўзбекистонлик спорчи Марат Ҳайдаров ядрони 13,02 метрга улоқтирди ва бу йўналишда 7-ўринни олди. Унга 668 балл берилди.

Гуанжоу-2010 ғолиби — қозоғистонлик Дмитрий Карпов ядрони 15,11 метрга улоқтирди ва 796 балл олди.

Учта баҳслардан кейин Леонид Андреев 1-ўринга кўтарилиб олди. Марат Ҳайдаров эса ҳамон сўнгги ўринда келмоқда. Андреев 2-ўринда бораётган япониялик спортчидан 139 баллга илгарилаб кетмоқда.

Спортчилар кечки дастурда баландликка сакраш (14:35) ва 400 метрга югуриш (17:10) машқларни бажаришади. Қолган 5та машқлар эртанги дастурда бажарилади.

Учта баҳсдан кейин умумий натижалар
1. Леонид Андреев (Ўзбекистон)  — 2587 балл
2. Кейсуке Уширо (Япония) — 2448 балл
3. Акихико Накамура (Япония) — 2429 балл
4. Ҳоди Сепеҳрзод (Эрон) — 2423 балл
5. Дмитрий Карпов (Қозоғистон) — 2413 балл
6. Моҳд Аҳмад ал-Маънай (Қатар) — 2405 балл
7. Чи Гуо (Хитой) — 2325 балл
8. Санг Ва Бэ (Жанубий Корея) — 2306 балл
9. Жессон Рамил Сид (Филиппин) — 2287 балл
10. Марат Ҳайдаров (Ўзбекистон) — 2223 балл