Бугун 4та вазнда юнон-рум курашчиларимиз баҳсларга киришишди. Икки нафар спортчимиз илк босқичдаёқ ютқазиб қўйишди.

130 кг.гача бўлган вазнда Аброрбек Мамасолиев қозоғистонлик Нурмахан Тиналиевга мағлуб бўлди. Тиналиев 4 дақиқада ҳисоблар орасидаги фарқни 8тага етказди ва муддатидан аввал ғалаба қозонди. Қозоқ курашчиси финалга чиқса, Мамасолиев бронза медаль учун курашиш имкониятига эга бўлади.

75 кг.да Нурбек Ҳошимбеков қуръага кўра илк босқичдаёқ эронлик курашчига тўғри келиб қолди. Пайам Буйерий 9-5 ҳисобида ғалаба қозонди. Нурбек бронза медаль учун беллашиш имкониятига эга бўлиши учун эронлик атлет финалга чиқиши лозим.

66 кг. вазн тоифасида Элмурод Тасмурадов ярия финалга чиқишга муваффақ бўлди. У нимчорак финалда Исмоил Салоҳ (Яман)ни 31 сонияда мағлуб этди. Чорак финалда эса у қозоғистонлик Асқат Жанбировни 3-0 ҳисобида мағлубиятга учратди.

85 кг.да қатнашаётган Рустам Ассакалов саралаш боқичида лаослик Хонекеони мағлуб этди (4-0). Чорак финалда юртдошимиз қозоғистонлик Нурсултан Турсунов билан гиламга чиқади.