Футбол бўйича Бразилия терма жамоаси футболчиси Даниэль Алвеш ЖЧ-2014 ярим финалида Германиядан учралган шармандали мағлубият (1:7)да журналистларни айблаб чиқди.

Футболчи бу ҳақда Lancenet нашрига берган интервьюсида айтиб ўтди. Қайд этиш жоиз, бу Бразилия терма жамоаси тарихидаги энг йирик ҳисобдаги мағлубият эди.

«Бизда аъло даражадаги ўйинчилар бор эди, бироқ биз Германияга қарши ўйинга тайёрланмаган эдик. Тайёргарлик кўришимизга бизга матбуот халақит берди. Қаранг, бошқа жамоаларда машғулотнинг фақат 15 дақиқаси очиқ эди, бизни эса 24 соат давомида тинмай кузатиб туришди», – дея шикоят қилди Алвеш.

«Ҳаддан ортиқ эътибор – Бразилия терма жамоасининг бош муаммосидир», – дея қўшимча қилди «пентакампеонлар» ҳимоячиси.

Ўз майдонида бўлиб ўтган футбол бўйича 2014 йилги жаҳон чемпионатида Бразилия терма жамоаси ярим финалга қадар етиб борди ва Германияга 1:7 ҳисобида имкониятни бой берди. Голландияга қарши 3-ўрин учун баҳсда ҳам бразилияликлар 0:3 ҳисобида енгилишди.

Алвешнинг ўзи мусобақа давомида тўртта – гуруҳ босқичидаги учта ва Чилига қарши нимчорак финал учрашувларида майдонга тушди. Чорак финал, ярим финал ва учинчи ўрин учун баҳсларни «Барселона» вакили захира ўриндиғида ўтириб кузатди.