«Барселона» ҳужумчиси Луис Суарес 25 октябрдан бошлаб майдонга туша бошлайди. У жамоадоши Лионель Месси билан биргаликдаги ҳаракати борасида ўзининг тахминларини билдириб ўтди.

– Мессининг таъкидлашича, «Барселона» сиз билан биргаликда яна Чемпионлар лигасида ғолиб чиқишга қодир экан. Лео билан биргаликда ўйнаш сиз учун қулай бўладими?
– Мен Барселонага барча совринларни ютиш учун келганман, албатта, бунда Месси бизга катта ёрдам беради. Унинг «Барселона»га фойдаси қанчалик катта эканини барча билади. Мен уни ҳозирги кунда дунёнинг энг яхши ўйинчиси деб биламан, ахир Лео ҳали ёш. У билан биргаликдаги ҳаракатимга келадиган бўлсак, яхшиси ўйинларни кутганимиз маъқул. Мен буни интизорлик билан кутяпман.

– Сиз Криштиану Роналду билан биргаликда «Олтин бутса»ни қабул қилиб олдингиз. У дунёнинг энг яхши футболчиси эмас а?
– Мен Месси билан бирга ҳар куни шуғулланаман ва у мени ҳайратлантиради. У ноёб иқтидор соҳиби. Мен учун айнан Месси дунёнинг энг яхши футболчиси.

– Мессининг тўпурарликдан плеймейкерга ўзгариб бораётганига фикрингиз қандай?
– Барча Леонинг кўп гол уришини гапиради... Лекин Месси — аввало жамоавий футболчи. У тўпни қандай тақсимлашни, рақиб дарвозаси олдида хавфни юзага келтиришни яхши билади. У мукаммал ўйинчи, – дейди Суарес.