Ўзбекистон ёшлар терма жамоаси Осиё чемпионатининг ярим финалида КХДРга қарши майдонга тушишидан хабарингиз бор. Ушбу ўйинда Акром Комилов терма жамоамизга ёрдам бера олмайди.

Боиси, "Бунёдкор" ҳимоячиси чорак финалда сариқ карточка олди ва бу унинг мусобақадаги иккинчи огоҳлантириши бўлди. У гуруҳ босқичининг 2-турида БААга қарши ўйинда ҳакам томонидан огоҳлантирилганди.

Эслатиб ўтамиз, Акром Комилов дисквалификация туфайли Индонезияга қарши бўлиб ўтган 1-турда ҳам майдонга туша олмаганди.

Регламентга кўра, чорак финалдан кейин ҳисобида битта сариқ карточка бор футболчиларнинг огоҳлантиришлари бекор қилинади. Шу тариқа, ярим финал олдидан биттадан огоҳлантиришга эга бўлган футболчиларимиз — Фирдавс Абдусалимов, Аслиддин Абдиев, Забиҳилло Ўринбоев, Иброҳим Абдуллаев ва Отабек Шукуров "тоза" бўлиб олишди.

Ярим финалдаги рақибимиз — Шимолий Корея сафида эса дисквалификацияга учраган футболчилар йўқ.