Мьянмадаги Taw Bin Garden меҳмонхонасида Ўзбекистон U19 ва Шимолий Корея U19 терма жамоалари бош мураббийлар ўртасида матбуот анжумани ўтказилди.
Ўзбекистон терма жамоаси бош мураббийи Равшан Ҳайдаров матбуот анжуманида Шимолий Корея кучли, тартибли ва интизомли жамоалигини таъкидлади.
"Шимолий Корея барча чизиқда бирдек интизомли ўйнайди ва шунинг учун ҳам ярим финалгача етиб келди.
Шимолий Кореяни аввало Жаҳон чемпионатига чиққани билан табриклайман. Бу босқичгача етиб келиш ҳеч кимга осон бўлмади.
Гол ўтказмасдан ўйнаш вақти ҳам келди, Ўзбекистон ҳар ўйинда гол ўтказиб юбормоқда. Атайлаб қилинмайди бу. Футбол хатолардан иборат ва биз буни яхши тушунамиз. Хатолардан ўрганамиз ва ўйинни яхшилаймиз.
Бундай турнирда 4 та ўйин ўтказган жамоада ҳар қандай йўқотиш бўлади. Жароҳатлар, карточкалар, йўқотишларга сабаб бўлади. Кичик жароҳатлар бор. Мутахассислар ишлашяпти. Лекин, Акром Комилов карточкалари туфайли ўйинни ўтказиб юборади", -дейди Ҳайдаров.
