"Рома" яримҳимоячиси Даниеле де Росси чемпионлар лигасининг гуруҳ босқичида "Бавария"га қарши учрашувдага йирик ҳисобдаги мағлубиятдан сўнг (1:7) фикрлари билан ўртоқлашди.
"Бу шокка туширадиган натижа. Бубизга сабоқ бўлиши керак. Балки бундай ҳисобдаги мағлубият асл кучимизни билдирар? Бу ўйинни бутун шаҳар кутган эди, аммо натижа шармандали бўлди.
Ўйиндан сўнг трибунада бизга қарсак чалаётган мухлисларга кўзим тушди ва танамга пичоқ санчилгандай бўлди. Биз мухлисларимиз олдида қарздормиз, тезда ўзимизга келишимиз керак.
1:7 ҳисоби маҳоратдаги фарқни билдирмайди. Биз "Бавария"дан бу қадар кусчиз эмасмиз. Бу йирик ҳисобдаги мағлубиятнинг сабаини айтиш қийин. Бу кўпроқ вазиятлар оқими эди. Бир неча йил аввал "МЮ"га ҳам шу ҳисобда ютқазган эдик. Бу биз учун жуда ёмон кеча бўлди", - дейди Де Росси.
