Ўзбек футболига доир миш-мишлар ҳақида сўз юритишда давом этамиз.

Олий лиганинг сўнгги турларининг бирида шогирд устозига панд берди. Маълум бўлишича, жамоа бош мураббийи расмий учрашувларнинг бирида шогирдларининг рақиб устидан 2 тўп фарқи эвазига ғалаба қозониши учун тотализаторга яхшигина пул тиккан.

Ўйин бошлангач ҳаммаси режа асосида кечган. Ўйин шиддатли кечган бўлса-да, меҳмон жамоа ҳимоячилари ва дарвозабони керакли жойда зарур хатоларга йўл қўйиб, мезбонларнинг 2 тўп фарқи эвазига ғалаба қозонишини таъминлаган. Беллашувни бевосита стадиондан ва ойнаи жаҳондан кўрган томошабин майдонда театр бўлаётганини сезмаслиги аниқ. Бунинг учун биринчи навбатда ё мутахассис бўлишингиз керак ёки мутахассис билан биргаликда томоша қилишингиз зарур.

Хуллас, беллашув режа асосида кетаётган бир вақтда майдонга захирадан тушган футболчи мезбонларнинг учинчи голини уриб қўйган. Ваҳоланки, мураббий шогирдларини режасидан огоҳлантирган, лекин охирги вақтларда захирада қолиб кетаётган қайсар ҳужумчи устозига аччиқ қилиб, бу режага путур етказган. Натижада мураббий яхшигина суммага зарур еган. Аслида ҳужумчи ўтган йилги ўйнаган клубида ҳам устозига аччиқ унинг режаларини ўзгартириб юборарди.

Албатта буларнинг барчаси миш-миш, лекин миш-миш бўлмаслиги ҳам мумкинмиш! Айтишадику, шамол бўлмаса дарахтнинг учи қимирламайди деб!