ЦСКА президенти Евгений Гинер ушбу мавсумда армиячилар фойдасига 7та пенальти белгилангани борасида ўз фикрларини билдириб ўтди.

— Ушбу мавсумда ЦСКАнинг статистика ғаройиб бўлмоқда: жамоа 7та пенальти тепди. Қолган жамоалар эса ҳозирда максимум 3та пенальти тепган. Барча эски шиорни ёдга ола бошлади: "Гинер ҳаммани сотиб олган". Ушбу рақамларга изоҳингиз борми?
— Ҳа. Бунга жамоамизнинг ҳужум чизиғи «айбдор». Ишонч билан айта оламан, биз ҳакамлар билан ҳам, рақиблар билан ҳам ишламаймиз. Шунингдек, Валентин Иванов ҳакамлик борасида тартиб-интизом ўрнатмоқда. Бир хил вазиятларда бир хил қарорлар қабул қилинишини таъминламоқда. Жумладан, пенальтилар борасида ҳам. Еттита пенальтидан бирортаси шубҳали бўлдими?

— Битта бўлди — Саранскда.
— Тўғрисини айтсам, ўша вазиятни эслай олмайман. Лекин хатолар энг яхши ҳакамларда ҳам рўй беради. Еттидан битта хато — нормал ҳолат.

— «Краснодар»га қарши Кубок баҳси ва «Спартак» билан дербидан кейинги сиз томондан қилинган прессинг ҳакамларга таъсир кўрсатмадими?
— «Краснодар»га қарши ўйиндаги ҳакамлик ҳақиқатанам ҳам мени ғазаблантирди. Мен унда эҳтиросга берилдим. Табиийки, бекор қилдим. Тушунаман, ўшанда ноҳақ эдим, лекин вазият ҳаддан ташқари ёмон эди.

«Спартак» билан ўйиндан кейин ҳеч қандай прессинг бўлмади. Мутлақо хотиржам эдим. Юзда табассум билан пенальти қай тариқа белгиланганига қизиқдим. Биз Захаров ва Безбородов билан нормал гаплашдик ва бешинчи ҳакам Арсланбеков хатога йўл қўйганини аниқладик. Балки, ўша вазиятда у ноқулай жой танлагандир, аммо кейинги воқеалар («Краснодар» — «Зенит» ва «Кубань» — Тосно» ўйинлари) кўрсатдики, юмшоқ қилиб айтганда, ушбу ҳакамнинг савияси у қадар юқори эмас экан.