"Барселона" Испания чемпионатида кетма-кет иккинчи марта мағлубиятга учради ва пешқадамликни бой берди. "Эл-классико"дан кейин каталонияликлар Луис Энрикенинг собиқ жамоаси — "Сельта"га ютқазиб қўйишди.
Бош мураббий Луис Суарес майдонга тушган учрашувларда жамоасининг ўйинини яхши шакллантира олмаяпти. Мезбонларнинг ўйинида камчиликлар кўп. Шунга қарамай, "Барса" бугун ўзи яратган имкониятларнинг учдан биридан фойдаланганида ҳам йирик ҳисобда ғалаба қозонган бўларди. Жумладан, "Сельта"ни муқаррар голлардан 4 марта дарвоза тўсини қутқариб қолди. Неймар, Месси ва Суареснинг зарбаларини виголиклар посбони Серхио Альварес маҳорат билан қайтарганини таъкидлаш лозим.
Иккинчи бўлим бошда "Сельта" ўзининг камсонли ҳужумларидан бирини голга айлантирди ва Каталониядан 3 очко билан қайтадиган бўлди. Улар 19 очко билан 6-ўринга мустаҳкам ўрнашиб олишди.
Ушбу мағлубиятдан кейин "Барселона" камида 3-ўринга тушиб қолди. Улардан "Севилья" ва "Валенсия" ўтиб кетиш имкониятига эгалар.
Барселона – Сельта 0:1 (0:0)
Гол: 0:1 – 55 Ларривей.
Барселона – Браво, Дани Алвес, Бускетс (Хави, 66), Альба, Матье, Рафинья (Педро, 66), Маскерано, Ракитич, Неймар, Суарес, Месси.
Сельта – С.Альварес, Хони Кастро, Мальо, Кабраль, Серхи Гомес, Эрнандес (Борха Фернандес, 69), Радоя, Орельяна, Крон-Дели, Нолито (Мадинда, 88), Ларривей (Шарлес, 76).
Огоҳлантиришлар: Эрнандес (14), Серхи Гомес (72), Педро (90).
