"Барселона" ҳужумчиси Лионель Месси чемпионлар лигаси гуруҳ босқичининг 4-турида "Аякс"га қарши учрашувдан сўнг (0:2) фикрларини билдирди.

"Бу ҳаётимда қувончли ҳодиса. Рекордни такрорлаганим яхши, аммо уч очко олию кейинги босқичга чиққанимиз муҳимроқ эди. Бунга эришдик ва мен бахтиёрман.

Мен голларни алоҳида эслаб қолмайман. Шунчаки ҳар доим гол уришга ҳаракат қиламан. Охирида голлар сонини эслайман. Энг эсда қоларли голлар финал ўйинларида киритилган голлар бўлади.

Биз яхши футбол кўрсатадиган жамоа билан кураш олиб бордик. У майдонда кўп ҳаракат қилади. Қайсидир дақиқаларда босим остида ҳам бўлдик, ўйинимиз чиқмай қолди ва дарвозамиз тарафда сиқилиб қолдик.

Аммо ўз кучимизга бўлган ишончни йўқотиб қўймадик, гол урганимдан бахтиёрман. Ҳа, кейинроқ ўн кишига қарши ўйнадик. Бунинг устига яхши ўйин кўрсатдик.

Суарес ва Неймар билан бир сафда эканлигимдан хурсандман. "Барселона" фалсафаси уларга тўғри келади. Биз энди танишиб боряпмиз.

Луис - биринчи даражали ҳужумчи ва у менга жуда ёрдам бермоқда", - дейди Месси.