Мадриднинг «Реал» клуби раҳбарияти Кенан Йилдизнинг «Ювентус» билан шартномасини узайтириш арафасида турганидан ҳафсаласи пир бўлди. Бу ҳақда «The Touchline» нашри хабар бермоқда.
Аввалроқ 20 ёшли қанот ҳужумчиси туринликлар билан 2031 йилгача мўлжалланган янги шартнома бўйича келишувга эришгани маълум бўлган эди.
Манбанинг хабарига кўра, «қаймоқранглилар» Йилдизни Винисиус Жуниор жамоани тарк этган тақдирда унга идеал ўринбосар сифатида кўришган. Бу ҳақда ҳатто туркиялик футболчининг атрофидагиларга ҳам маълум қилинган, бироқ «Ювентус»нинг энг кўп маош олувчи футболчисига айланиш таклифи ўйинчи учун жуда жозибали туюлган.
Жорий мавсумда Йилдиз барча турнирларни ҳисобга олганда 31 та ўйинда майдонга тушиб, тўққиз бор рақиблар дарвозасини ишғол қилди ва ўз ҳисобига саккизта голли узатмани ёздириб қўйди.
