Ўзбекистон 19 ёшгача бўлган қизлар терма жамоаси Осиё чемпионатининг саралаш босқичидаги иккинчи ўйинда ҳам ғалаба қозонди.

Вячеслав Солохо шогирдлари бу сафар Ливанни йирик ҳисобда мағлуб этишди. Қизларимиз рақиб дарвозасини 7 марта ишғол қилди. Голларнинг учтаси биринчи бўлимда, қолгани иккинчи бўлимда рақиб дарвозасига киритилди.

Эслатиб ўтамиз, Ўзбекистон U19 қизлар терма жамоаси 1-турда Ҳиндистонни 2:0 ҳисобида мағлуб этганди. Иордания эса дастлабки ўйинда Ливан устидан 3:0 ҳисобида зафар қучганди. Саралаш мезбонлик қилаётган Иордания бугун Ҳиндистон билан баҳс олиб боради. Осиё чемпионати йўлланмасини эса 1та терма жамоа қўлга киритади.