«Спартак» хўжайини Леонид Федун рубль курсининг қадрсизланиши маҳаллий бюджетдан молиялаштириладиган клубларга жуда салбий таъсир қилаётгани ҳақида айтиб ўтди.
«Менинг ҳисобимча, маҳаллий бюджетдан молиялаштириладиган РФПЛнинг 5та клуби катта муаммоларга дуч келмоқда. Йил бошида битта сумма белгилаб қўйилган бўлса, энди ундан кўпроқ пул тўлаш керак бўлмоқда. Россия футбол клублари учун молиявий жиҳатдан қийин даврлар бошланмоқда.
Ёдингизда бўлса, барча футболчиларнинг шартномаларида суммалар еврода кўрсатилган. Евро эса рублга нисбатан 50 фоизга қимматлашди. Бизнинг жамоа каби клубларга бу оғир. Яъни харажатлар кўпайди, даромад эса аввалгидек сақланиб қолмоқда. Бунга тайёр туриш эса бошқа масала», – дейди Федун.
