Осиё Ўйинларида допинг-тестдан ўта олмаган Тожикистон терма жамоаси футболчиси Хуршед Бекназаров ОФК Тартиб-интизом қўмитаси томонидан 2 йилга футболдан четлаштирилди.
14 сентябрь куни Сингапурга қарши бўлиб ўтган ўйндан кейин олинган таҳлил натижасида футболчининг организмидан метилгексанеамин топилган. Ушбу модда Бутунжаҳон антидопинг агентлиги томонидан тақиқланган моддалар рўйхатига киритилган.
ОФК Тартиб интизом қўмитаси 24 сентябрь куни футболчига нисбатан вақтинчалик футболдан четлатганди. Энди эса футболчи 2 йил давомида футболдан четда юрадиган бўлди. Ушбу қарор билан Тожикистон футбол федерацияси хабардор қилинди.
Футболчи ОФК Тартиб-интизом қўмитаси қарори юзасидан апелляция бериш ҳуқуқига эга.
