Лондоннинг "Арсенал" клуби ҳужумчиси Алексис Санчес жамоа сафида яқин йиллар ичида қандайдир совринни қўлга киритишга умид қилаётганини таъкидлади.
"Ўз жамоадошларимнинг ажойиб қўллаб-қувватлашини ҳис қилмоқдаман. Бошида бироз қийин бўлди, аммо ҳозирда клубнинг ўйин услубига деярли кўникиб бўлдим", - дейди чилилик ҳужумчи.
"Мен "Арсенал" билан кўплаб совринларни ютишим мумкинлигини кўп бора айтганман. Агар ўз ўйинимизни намойиш эта олсак, бизга ҳеч қандай рақобат қўрқинчли эмас. Биз яқин йиллар ичида "Арсенал" билан кўплаб совринларни қўлга киритишимиз мумкин. "Арсенал"га айнан шунинг учун келганман", - дейди Санчес.