Мадриднинг «Реал» клуби ёзги трансфер ойнасида янги марказий ҳимоячи сотиб олиш учун катта маблағ сарфлаши мумкин.
Мудофаа маркази «қаймоқранглилар»нинг заиф нуқталаридан бири бўлиб қолмоқда. «ESPN» маълумотларига кўра, Ла Лига гранди скаутлари Дортмунднинг «Боруссия» клуби аъзоси Нико Шлоттербек ва «РБ Лейпциг» вакили Кастелло Люкебани диққат билан кузатиб боришмоқда. Германия Бундеслигасининг ҳар икки вакили «қироллик клуби»нинг келаётган ёз учун асосий мақсадлари қаторидан жой олган.
«Transfermarkt» порталининг баҳосига кўра, 26 ёшли Шлоттербекнинг нархи 55 миллион еврони, 23 ёшли Люкебанинг баҳоси эса 45 миллион еврони ташкил этади.
