«Реал» президенти Флорентино Перес «Барселона» футболчисини сотиб олиш ва 2000 йилда Луиш Фигунинг мадридликлар лагерига ўтиши билан боғлиқ шов-шувли воқеани такрорлашни истамоқда.
Бу ҳақда пайшанба куни биринчи бўлиб COPE ва Каталониянинг «Sport» нашри билан ҳамкорлик қиладиган испаниялик журналист ҳамда стример Сиро Лопес ўз YouTube-каналида маълум қилди.
«Улар ўртасида кетаётган ҳокимият учун курашда — аниқроғи, Флорентинонинг Лапорта билан эмас, кўпроқ Лапортанинг Флорентино билан курашида — бу имкониятни истисно қилиб бўлмайди. Улар футболчини кўндиришлари керак, лекин айтишганидек, пул ҳамма нарсани ҳал қилади. Педри борасида жуда муҳим омил бор: у «Барса»да бахтли ва у ушбу клубнинг ҳақиқий мухлиси», — деди Лопес.
Ушбу маълумотни «ElDesmarque» журналисти Роберто Гомес ҳам тасдиқлади.
«[Журналист] Хуан Гатодан олинган маълумотларга кўра, «Мадрид» 2027/28 йилги мавсум учун сотиб олмоқчи бўлган ўйинчи — бу Педри. Бу фақатгина Фигу билан содир бўлган воқеага қиёслаш мумкин бўлган сенсация бўлади. Бу ерда гап нафақат таркибни кучайтириш, балки «Барселона»дан энг муҳим ўйинчини тортиб олиш ҳақида кетмоқда», — деди Гомес.
Эслатиб ўтамиз, Педрининг «кўк-анорранглилар» билан шартномаси 2030 йилгача мўлжалланган, товон пули эса 1 миллиард еврони ташкил этади.
