63 ёшли италиялик мутахассис Клаудио Раньери Греция терма жамоасининг Евро-2016 саралаш босқичида Фарьер ороллари термасидан сенсацион мағлубиятидан сўнг (0:1) терма жамоани тарк этди.
Бугун тонгда Раньери Греция футбол федерацияси президенти Георгиос Саррис билан учрашди. Учрашувда ҳамкорликни тўхтатишга келишилди. Мутхассис шартнома бандларига кўра белгиланган маблағнинг маълум қисмини олади.
Эслатиб ўтамиз, Раньери қўл остида греклар саралаш босқичида бир очкога эга бўлдилар, холос. Фарьер ороллари эса, Евро-1992 саралашининг биринчи турида Австрия устидан ҳам 1:0 ҳисобида ғалаба қозонган эди.
