Бразилия терма жамоаси ва Франциянинг "ПСЖ" клуби ҳимоячиси Тьяго Сильва терма жамоадаги сардорлик боғичи уни огоҳлантирмасдан олиб қўйишганини айтиб ўтди.
"Дунга мендан сардорлик боғичини олиб қўйганида терма жамоадаги ўрнимни йўқотдим деб қўрққан эдим. Бу борада кимдир мен билан суҳбатлашганида яхши бўлар эди. Аммо, Дунга ҳам, Неймар ҳам мен билан бу борада гаплашгани йўқ. Бундан эса ҳафаман. Қанчалик аламли ҳолат бўлса ҳам, бу футбол", - дейди Тьяго Сильва.
Эслатиб ўтамиз, Бразилия терма жамоаси бош мураббийи Дунганинг қарорига кўра Туркияга қарши кечган ўртоқлик учрашувида терма жамоани майдонга "Барселона" ҳужумчиси Неймар сардор сифатида бошлаб тушган. Тьяго Сильва эса учрашувни захира ўриндиғида кузатган.