Бугун "Спорт" телеканали орқали эфирга узатилган "Футбол шарҳи" кўрсатувида "Локомотив" клуби вакиллари иштирок этишди. Клуб бош директори ўринбосари Тўлабек Акромов ва бош мураббиий Вадим Абрамов кўрсатувда бошловчилик қилган журналист Даврон Файзиевнинг саволларига жавоб қайтаришди.
Ёдингизда бўлса, Ўзбекистон чемпионати доирасида бўлиб ўтган "Локомотив" - "Пахтакор" учрашувидан сўнг Вадим Абрамов матбуот анжуманига ташриф буюрмаган ва журналистлар ёрдамчи мураббий Марат Мифтахутдиновдан бош мураббийни талаб қилишганди. Вазиятга клуб бош директори Тўлабек Акромов аралашиши натижасида томонлар бир-бирларига овоз кўтаришгача боришганди. Ушбу ҳолат сайтларда кескин танқид учраганди. Бўлиб ўтган воқеа юзасидан "Локомотив" расмийси журналистлардан узр сўради.
"Бўлиб ўтган воқеага чуқур тўхталмоқчи эмас. Буни эслашга арзимайди. Клуб томонидан журналистларга нисбатан ҳурматсизлик қилинган бўлса, мен улардан узр сўрайман" - дейди Акромов "Футбол шарҳи" орқали.
