ФИФА президенти Йозеф Блаттер Швейцария прокуратурасига даъво аризасини киритиб, ЖЧ-2018 ва ЖЧ-2022 мезбонларини аниқлаш борасида Майкл Гарсия томонидан олиб борилган текширув ва тайёрланган ҳисобот асосида жиноий иш очишни сўради.
ФИФАни прокуратурага мурожаат қилишга ҳисоботда тилган олинган айрим масъулларнинг ноқонуний хатти-ҳаракатлари сабаб бўлган. Жумладан, айрим шубҳали пул ўтказмаларига аҳамият қаратиш кераклиги тавсия этилган.
ФИФА Этика қўмитаси арбитраж палатаси бошлиғи Ханс-Йоахим Эккертнинг таклифи билан Блаттер Швейцария прокуратурасига мурожаат қилган.
Эслатиб ўтамиз, ФИФА ЖЧ-2018 ва ЖЧ-2022 мезбонларини аниқлаш борасида қоидабузарлик топмагани ҳақида баёнот берганди.
