Таиланднинг Пхукет шаҳрида давом этаётган пляж спорт турлари бўйича Осиё Ўйинларининг пляж спортида Ўзбекистон терма жамоаси чорак финалда имкониятни бой берди.

БААга қарши қумли майдончага чиққан Аҳад Юсупов шогирдлари 4:6 ҳисобида ютқазишди. Ўйиннинг илк дақиқасидаёқ Амирлик футболчилари ҳисобни очишган бўлса, орадан 2 дақиқа ўтиб Жамолиддин Шарипов ҳисобни тенглаштирди.

Шундан сўнг БААликлар 8 дақиқа ичида бешта гол уришга муваффақ бўлишди. Ўзбекистон пляж терма жамоаси ҳисобни тенглаштиришга ҳаракат қилди, аммо вакилларимизга вақт етмади. Жамоамиз 3та гол уриб, ҳисобни 4:6 кўринишига келтиришди. Жамолиддин Шарипов ва Тоҳир Абдураззоқов ўз ҳисобларига 2тадан гол ёзишди.

Энди пляж футболчиларимиз Осиё Ўйинларида 5-8-ўринлар учун баҳсларда иштирок этишади.

Пляж спорт турлари бўйича Осиё Ўйинлари. Пляж футболи, чорак финал
БАА - ЎЗБЕКИСТОН - 6:4
Голлар: Жамолиддин Шарипов (3, 33-пен.), Тоҳир Абдураззоқов (18, 31)