Қозоғистоннинг "Шахтёр" клуби раҳбарияти бош мураббий Виктор Кумиков билан хайрлашишга қарор қилди. Боиси, клуб якунланган мавсумда мусобақа жадвалида 6-ўринни эгаллади.
Қарағанда вилояти ҳокими бугун Виктор Кумиков билан учрашди ва унга қилинган меҳнат учун миннатдорчилик билдирди. "Кончилар" 2011-2012-йилларда мамлакат чемпионлигини қўлга киритишган бўлса, 2013 йилда Европа кубогининг гуруҳ босқичида иштирок этишга муваффақ бўлишди. Шу йилнинг ўзида Қозоғистон кубоги қўлга киритилди. Фақат 2014 йилда жамоанинг ишлари юришмади.
«Шахтёр»нинг Виктор Кумиков билан амалдаги шартномасига якунига етди ва у узайтирилмайдиган бўлди.
Хабарингиз бор, Виктор Кумиков "Шахтёр"га кетишдан аввал Ўзбекистоннинг "Машъал" ва "Насаф" жамоаларида фаолият олиб борган.
