Россия футбол иттифоқи фахрий президенти Вячеслав Колосков ФИФАнинг ЖЧ-2018 ва ЖЧ-2022 мезбонларини аниқлаш борасида олиб борган тергов натижалари асосида прокуратурага жиноий очиш бўйича қилган мурожаати юзасидан ўз фикрларини билдириб ўтди.
«Мен буни биринчи марта эшитиб турибман. ФИФА ўз амалиётида ҳали бундай ишга қўл урмаганди. Демак, ФИФА ўзи қабул қилган қарор юзасидан ўзини ўзи судга берибди. Менимча, бу ерда тушунмовчилик юз берган. ФИФА Низомида фуқаролик судларига мурожаат қилиш тақиқланиши ҳақида ёзиб қўйилган. Барча ассоциациялардан бунга қатъий амал қилиш сўралади. Кутилмаганда ФИФА ўз низомини бузмоқда. Бу қандайдир аҳмоқлик. Биз ҳозир бунга аҳамият қаратишимиз керак эмас. Бунга эҳтиёж туғилса, вазиятга ойдинликни киритишни сўраб мурожаат қилишимиз мумкин», - дейди Колосков.
Эслатиб ўтамиз, ФИФА 13 ноябрь куни Этика қўмитасининг якуний ҳисоботини эълон қилиб, ЖЧ-2018 ва ЖЧ-2022 мезбонларини аниқлаш пайтида қоидабузарликлар аниқланмагани қайд этилганди. Лекин ФИФА Арбитраж палатаси раҳбари Ханс-Йоахим Эккерт мазкур ҳисобот асосида жиноий иш қўзғашни тавсия қилган. Натижада Блаттер Швейцария прокуратурасига мурожаат қилди.
