"Барселона"президени Хосеп Бартомеу жамоа ҳимоячиси Жерар Пикега ўзининг ҳулқи борасида ўйлаб кўришга чақирди.
27 ёшли футболчи бош мураббий Луис Энрике томонидан ўйин вақтида телефондан фойдалангани учун жазоланган эди. Аввалроқ машинасини қўйиш тақиқланган жойга қўйгани учун полиция билан жанжаллашган эди.
Сўнг жамоанинг асосий таркибидан мунтазам жой олмай келяпти, бу унинг клуни тарк этиши мумкинлиги ҳақида миш-мишлар урчишига олиб келди.
"Пике аввалгидай мунтазам ўйнамаяпти, аммо бунда муаммо йўқ. Биз у билан охирги воқеалар хусусида суҳбатлашиб, маслаҳатлар бердик. Бундай воқеалар такрорланиши керак эмас.
Умид қиламанки, бунга барҳам берилади. Пике ҳам, бошқа ўйинчилар ҳам диққатларини ўз ишларига қаратишлари лозим", - дейди Бартомеу.
