Мадриднинг "Атлетико" клуби президенти Энрике Сересо, жамоа бош мураббийи Диего Симеоне мавсум якунида клубни тарк этмаслигини таъкидлади.
"Билишимча, Симеоненинг "Атлетико" билан узоқ йиллик шартномаси бор ва бу шартнома ҳамон кучда. Биз унинг фаолиятидан мамнунмиз, у эса бу ердаги фаолиятидан. Футболчилар ҳам айнан унинг қўли остида тўп сураётганларидан хурсанд. Қолаверса, клуб мухлислари ҳам Симеонени жуда хурмат қилишади ва уни бошларида кўтариб юришга ҳам тайёр. Энди айтингчи, қандай қилиб бу вазиятда у бошқа жамоага кетиши ҳақида саволлар бўлиши мумкин", - дейди Сересо.