ОФК 2016 йилги футзал бўйича Осиё чемпионати мезбонлигига даъвогарлик қилаётган мамлакатларга ташриф буюриб, шарт-шароитларни инспекция қилишнни бошлади. Қитъа чемпионатини ўзида қабул қилишга Ўзбекистон, Ливан, Таиланд, Индонезия, Хитой ва Хитой Тайпейи мамлакатлари даъвогарлик қилишмоқда.

ОФК комиссияси дастлаб Ливанга ташриф буюрди. Комиссия аъзолари меҳмонхона, мусобақа ўтадиган спорт мажмуаси, машғулот майдончалари ва бошқа талаблар юзасидан текширув ўтказадилар.

Мезбон мамлакат номи 2015 йилнинг февраль ойида эълон қилинади. Ушбу қитъа чемпионати ЖЧ учун саралаш вазифасини ўтаб беради. 2016 йилги ЖЧ эса Колумбияда ўтказилади.