Эстония футбол иттифоқи (ЭФИ) 26 футболчини букмекерлик фирибгарлиги учун дисквалифмкация қилди, дея хабар беради delfi.ee.
Бунда 9 футболчи умрбод , қолганлар турли муддатларга футболдан четлатилди
"Суриштирув ишлари давомида 20 киши сўроқ қилинди. Уларнинг кўрсатмалари асосида махсус рапорт тузилди. Юзлаб саҳифали суд ишлари устида иш олиб борилди, полиция, прокуратура, УЕФА ва бошқа футбол уюшмалари билан ҳамкорлик қилинди. Эстония спортида аввал бундай кўламли суриштирув ишлари бўлмаган.
2009-2012 йиллар давомида Эстония чемпионати, Кубоги ва Эстония ёшлар терма жамоаси ўйинлари натижалари келишилганлиги ва келишишга уринганлиги аниқланди. Келишувларнинг баъзилари амалга ошмай қолган, аммо бизда 20 га яқин эпизодда фирибгарликк йўл қўйилганлиги ҳақида маълумот бор. Баъзи ҳолларда футболчиларга таҳдид қилинган, шунинг учун полицияга мурожаат қилишга мажбур бўлдик", - дейди мамлакат футболи раҳбари Айвар Похлак.
