"Краснодар"нинг бразилиялик ҳужумчиси Ари декабрь ойида рус қизига уйланганидан сўнг фуқаролигни ўзгартирмоқчи.
Ҳужумчи аввалроқ Россия терма жамоасида ўйнаш истаги орлигини билдирган эди.
Футболчининг қарорини РФ спорт вазири Виталий Мутко ва Россия терма жамоаси бош мураббийи Фабио Капелло қўллаб-қувватлаган.
"Ари Россия паспортини олишни ният қилган. Декабрь ойида у россиялик қизга уйланади, шундан сўнг фуқаролик масаласи билан шуғулланади. Бунга қанча вақт кетиши Россия ҳукуматига боғлиқ. Янги йил байрамидан сўнг Ари ҳужжатларни топширади", - дейди Арининг агенти Оливер Кабрера.
Эслатиб ўтамиз, Ари 2010 йилда "Спартак" сафига ўтган ва бу жамоа сафида 110 учрашув ўтказиб, 29 гол урган. 2013 йилдан "Краснодар" сафига ўтган ва 47 ўйин ўтказиб, 18 гол урди.
28 ёшли футболчи ўз вақтида Бразилия ёшлар термасида 13та ўйин ўтказб, 6 гол урган. 2006 йилда Ари Бразилия миллий ткрмасига чақирилган, аммо бош мураббий Дунга уни таркибга қўшмаган.
