Дортмунднинг "Боруссия" клуби бош директори Ханс-Йоахим Ватцке жамоа ҳужумчиси Марко Ройс билан боғлиқ вазият, шунингдек, клубнинг молиявий аҳволи тўғрисида гапириб ўтди.
"Марко "Боруссия"да қолишни исташига мутлақо аминман. У шаҳримиз ва клубимизни яхши кўради. Тўғри, унинг кетишига қизиқаётганлар ҳам ўз далилларини кўрсатишларига шубҳам йўқ.
Биз клуб даромадларини 2017/18 йиллар мавсумига қадар 300 миллион еврога етказмоқчимиз, бу - трансферларни ҳисобга олмаганда. Натижада жамоага ҳозиргига қараганда 20 миллион евро кўпроқ ажрата оламиз", - деди Ватцке.