Озарбайжоннинг "Қорабоғ" клуби раҳбарияти Европа лигаси гуруҳ босқичининг сўнгги турида "Интер"га қарши учрашувнинг (0:0) сўнгги сонияларида оффсайд дея ҳисобга олинмаган гол борасида шикоят қилмоқчи.
Учрашувга қўшиб берилган вақтда чехиялик ҳакам Мирослав Зелинка "Интер" дарвозасига урилган голни ҳисобламади. Агар гол ҳисобланиб, ғалаба қозонилганда "Қорабоғ" мусобақанинг плей-офф босқичига йўл олган бўлар эди.
"Жамоа жуда яхши ўйнади, охиригача курашди. Бугун озарбайжон ҳалқи бошини юқори кўтариши мумкин, чунки "Қорабоғ" охиригача жанг қилди. Биз Европада келгусида ҳам курашамиз. Голга келсак, мен ўтирган жойдан бу яққол кўриниб турган эди. Биз буни такроран кўриб чиамиз ва керак бўлса, тегишли чораларни қўллаймиз", - дейди клуб вице-президенти Тоҳир Ғазал.
