"Манчестер Сити" бош мураббийи Мануэль Пеллегрини яримҳимоячи Фрэнк Лэмпарднинг жамоада узоқроқ қолишини истамоқда.
Эслатиб ўтамиз, 36 ёшли футболчининг трансфер ҳуқуқи АҚШнинг "Нью-Йорк Сити" клубига тегишли бўлиб, манчестерликлар сафида ижарада ўйнамоқда. Ижара муддати январда тугайди.
"Бу масала ой охиригача ҳал қилинади. Аммо мен Фрэнк шу ерда қолиши керак деб ҳисоблайман.У бизга жуда керак ва ўйлайманки, уни бу ерда олиб қолиш қийинчилик туғдирмайди.
Албатта, мен Лэмпард учун қарор чиқара олмайман. Музокарада кўпчилик иштирок тадими? MLS ўзининг фикрини билдирса керак. Аммо у мавсумни биз билан якунласа жуда хурсанд бўлар эдим", - дейди Пеллегрини.
Лэмпард ушбу мавсум "Манчестер Сити" сафида 13 ўйин ўтказиб, 5та гол урган.
