Қаршининг "Насаф" клуби Осиё чемпионлар лигасининг "D" гуруҳида БААнинг "Ал-Аҳли", Эроннинг "Тракторсозий" ва саралашдан чиқадиган жамоалар билан баҳс олиб боради. БААнинг амалдаги чемпиони ҳисобланган "Аҳли" бош мураббийи Абдулмажид Ҳусайн Эрон ва Ўзбекистон клубларига қарши бўладиган ўйинларда совуқдан хавфсираётганини таъкидлаб ўтди.
"Гуруҳимизни "ўлим гуруҳи" дея олмайман. Бизга ноқулайлик туғдириши мумкин бўлган нарса бу — Эрон ва Ўзбекистондаги совуқ об-ҳаво бўлиши мумкин. Баъзан қорли ҳавода ўйнашимиз мумкинлигини инобатга олган ҳолда, шунга яраша тайёргарлик кўрамиз.
Ўз уйимизда бўладиган дастлабки тур баҳсида мухлисларнинг қўллаб-қувватлаши ёрдамида муваффақиятга эришишимиз лозим. Ҳозирги кунда миллий чемпионатда барқарор ўйин кўрсата олмаётган бўлсак-да, ОЧЛ бошланадиган пайтга бориб, юқори формага чиқа оламиз", - дейди мураббий.
Эслатиб ўтамиз, "Ал-Аҳли" 3-4 март кунлари Эронда, 7-8 апрель куни Ўзбекистонда меҳмон бўлади.
