ОФКнинг Марказий Осиё минтақаси учун 14 ёшгача бўлган футболчилар ўртасидаги фестивали келаси йили Тожикистонда бўлиб ўтади.
Тожикистон футбол федерацияси фестивалга мезбонлик қилиш учун ўз аризасини октябрь ойининг охирида ОФКга юборганди. Кеча ОФК Тожикистонни мезбон давлат сифатида тасдиқлади.
Мусобақа май ойининг иккинчи ўн кунлигида ташкил этилади. Ўйинлар Душанбедаги марказий стадионда ва "Истиқлол" клубига тегишли футбол академияси майдонида ўтказилади.
Мусобақада Тожикистондан ташқари Ўзбекистон, Афғонистон, Эрон, Қирғизистон, Покистон, Туркманистон, Бангладеш, Бутан, Ҳиндистон, Мальдив, Непал ва Шри-Ланка терма жамоалари иштирок этишади. Турнирда 2001-2002 йилларда туғилган футболчиларнинг қатнашиши кўзда тутилган.
Фестивал доирасида ҳакамликни бошлаётганлар учун ўқув курси ташкил этилади. Шу боис, ҳар бир иштирокчи мамлакат икки нафардан ёш ҳакамни фестивалга юбориши шарт.
