Клублар ўртасидаги ЖЧни дастлабки саралаш босқичидан бошлаган Янги Зеландия "Окленд Сити" жамоаси, кутилмаганда, турнирни бронза медали билан якунлади.
Учинчи ўрин учун кечган Мексиканинг "Крус Асул" клубига қарши баҳснинг биринчи бўлим сўнгида океанияликлар ҳисобни очишди. Иккинчи бўлимда мексикаликлар ҳисобни тенглаштиришди. Қўшимча бўлимлар белгиланмади ва дарҳол пенальтилар сериясига ўтилди. Унда омад "Окленд"га кулиб боқди — 4:2.
Шу тариқа, Янги Зеландия жамоаси 2,5 миллион доллар мукофот пулини ҳам қўлга киритди.
Эслатиб ўтамиз, "Окленд Сити" Марокашга йўл олишдан аввал Дубайда Ўзбекистон терма жамоаси билан назорат учрашувини ўтказиб, 0:0 ҳисобида дуранг ўйнаганди.
