УЕФА президенти Мишель Платини ўзининг ғояси бўлган оқ карточкани жорий қилишни таклиф этмоқда. Функционернинг фикрига кўра, бу мухлислар кўз олдида ўйин имижини яхшилайди ва симуляциялар билан курашишга ёрдам беради.
“Оқ карточка — бу янги ташаббус. Бу футболчиларнинг майдондаги ўзларини тутишлари билан боғлиқ. Симуляциялар, ҳакамлар қарорини танқид қилиш — бунинг хаммаси мухлислар томонидан маъқулланмайди. Сариқ карточкалар мавжудлигича қолади, аммо яна бир карточкани жорий қилиш қизиқ бўларди.
Оқ карточка ўйинчини қандайдир вақтга — беш ёки ўн дақиқага ўйиндан четлатади. Бу мухлислар орасида бундай ҳолатларга дош бермайдиганлар учун қўл келади. Биз бошқа спорт туридан тажриба қилишимиз керак деб ўйлайман. Масалан, регби, унда бу дастур жуда қўл келмоқда”, — деб championat.com Goal интернет порталига таяниб Платини сўзларидан келтиради.