Яқинда 16 ёшни қаршилаган норвегиялик ҳужумчи Мартин Эдегор душанба куни "Манчестер Юнайтед" кўригида бўлди.
Манкунианлар бош мураббийи Луи ван Гал "Бавария", "Ливерпуль" ва "Манчестер Сити" клублари кўригида бўлган ёш футболчи билан шахсан учрашди. Футболчи 6 январь куни ўзининг "Стромсгодсет" клубига қайтиб кетади. Шундан сўнг қайси жамоага ўтиши ҳақида қарор чиқаради.
Эслатиб ўтамиз, Эдегор катталар футболида 15 ёшида дебют қилган. Шунингдек, у Европа чемпионатининг саралаш ўйинида майдонга тушган энг ёш футболчи номини қўлга киритган.