"МЮ" афсонаси сэр Алекс Фергюсон Англия кубогининг 1/32 финал босқичи доирасидаги "Йовил Таун" жамоасига қарши ўйинга вертолётда ташриф буюрди. Бу ҳақда манкунианликлар расмий твиттери хабар бермоқда. Daily Mail нашри эса ушбу воқеликдан фото ҳам келтирган.
Йовилдаги "Хьюиш Парк" стадиони мезбонлик қилган учрашув ҳозиргина ўз ниҳоясига етди. Қадрли устознинг қадами енгил келди дейиш мумкин: ўйиннинг 64-дақиқасида Андер Ҳеррера томонидан киритилган гол ўйин тақдирини ҳал этди.
Эслатиб ўтамиз, Фергюсон "МЮ" бош мураббийлигидан 2013 йилда истеъфо берганди. Ушбу мутахассис "қизил иблислар"га 26 йил давомида устозлик қилган, ушбу вақт давомида рекорд даражадаги совринлар соҳиби бўлган. Фергюсон қўл остида "МЮ" ўзининг аввалги бутун 100 йиллик тарихидан-да кўпроқ турнирларда ғалаба қозонган.
Эслатиб ўтамиз, Фергюсон "МЮ" бош мураббийлигидан 2013 йилда истеъфо берганди. Ушбу мутахассис "қизил иблислар"га 26 йил давомида устозлик қилган, ушбу вақт давомида рекорд даражадаги совринлар соҳиби бўлган. Фергюсон қўл остида "МЮ" ўзининг аввалги бутун 100 йиллик тарихидан-да кўпроқ турнирларда ғалаба қозонган.
