"Милан" клуби "Атлетико" ҳужумчиси Алессио Черчининг қўшиб олиниши борасидаги келишувни ниҳоясига етказди, дея хабар беради клуб расмий сайти.
27 ёшли италиялик футболчи "россонери" билан 18 ойга мўлжалланган шартнома имзолади. Мадридликлар унинг эвазига испаниялик ҳужумчи Фернандо Торресни қўлга киритдилар, Фернандо ҳам "Атлетико"да бир ярим йил ижарада бўлади.
Эслатиб ўтамиз, Черчи 3 январдан бошлаб миланликлар билан шуғулланмоқда.













