Ўзбекистон терма жамоаси ҳимоячиси Виталий Денисов Осиё кубогида финалгача етиб боришни кўзлаётганини айтиб ўтди. Ҳамюртимизнинг сўзларидан Австралиянинг "Herald Sun" веб-сайти иқтибос келтирди.

"Биз аввал гуруҳдан чиқишга ҳаракат қиламиз ва шундан сўнг финалгача етиб боришни кўзлаяпмиз. Яхши ўйнасак, бу ишни амалга оширамиз. Гуруҳдаги ҳар рақибимиз кучли. Ўйиндан олдин ғалабага қаттиқ ишониб юборсак, бу нотўғри бўлади, ютқазиб қўйишимиз мумкин. Ҳар бир рақиб биз учун хавфли, лекин биз ҳар бир ўйинда ғалаба қозонишга ҳаракат қиламиз", - дейди Виталий Денисов.