Қувайт терма жамоасининг тажрибали ҳимоячиси Месаид Ал Энзий Осиё кубогининг очилиш учрашувида мезбон - Австралия терма жамоасига қарши учрашув олдидан фикрларини билдирди.

Қувайт терма жамоаси ноябрь ойида ўтган Форс кўрфази кубогида Ироқ терма жамасини 1:0 ҳисобида мағлуб этган, БАА терма жамоаси билан 2:2 ҳисобида дуранг қайд этган ва учинчи учрашувда Уммонга 0:5 ҳисобида мағлуб бўлиб, гуруҳдан чиқа олмаган эди. Бу бош мураббий Жорван Виейранинг истеъфосига сабаб бўлди.

Тунислик мутахассис Набил Маълул Қувайт терма жамоасини қитъа чемпионатига уч ҳафта қолганида қабул қили олганига қарамай, 1980 йилги Осиё чемпионларининг биринчи учрашувдан умидлари катта.

"Кўрфаз кубоги якунланган, биз у ҳақда унутдик. Ундан керакли сабоқ чиқарганмиз. Тайёргарлик учун вақт қисқа эди. Мураббийимиз шу қисқа вақт ичида қўлидан келганча ўзгартиришлар амалга оширди, аммо асосийси мураббий футболчиларга руҳий далда бермоқда.

Биринчи ўйн ҳар доим қийин бўлган, айниқаса, бу сафар Австралияда мезбонларга қарши ўйнаймиз. Аммо ғалабага умид қиламиз. Рақиб мезбон сифатида ўйин бошиданоқ босим ўтказишга уринади. Уларда жуда яхши жамоа бор", - дейди Саудия Арабистонининг "Ал Оруба" клуби ҳимоячиси Ал Энзий.

Набил Маълул терма жамоани фақат бир учрашув - декабрь ойида Ироққа қарши ўртоқлик учрашувида майдонга олиб тушган - 1:1.

Шунингдек, мусобақанинг энг биринчи учрашувида қувайтлик ҳимоячи Фаҳад Аваз дисквалификация сабабли майдонга туша олмайди.