Австралия терма жамоаси сардори Майл Единак ОК-2015 мусобақасининг Қувайт терма жамоасига қарши учрашувида (4:1) тўпиқ суягини жароҳатлаб олди.
Энди "Кристал Пэлас" футболчиси терма жамоасининг Уммонга қарши учрашувида ёрдам бера олмайди.
"Биз Майлни эҳтиёт қилишга қарор қилдик - у ўйинни ўтказиб юборади. Гуруҳ босқичида унга бир-икки кун дам берамиз. Кореяга қарши ўйнай оладими, буни кўрамиз.
Майлнинг жароҳати катта йўқотиш, аммо бошқа ўйинчилар унинг йўқлигини билдирмасликларига ишонаман", - дейди Австралия терма жамоаси устози Ангелос Постекоглу.
Эслатиб ўтамиз, Австралиянинг Уммонга қарши учрашуви 13 январь куни, Жанубий Корея билан учрашуви 17 январда бўлиб ўтади.
