Ўзбекистоннинг биринчи рақамли теннисчиси Денис Истомин Сиднейни жуда эрта тарк этадиган бўлди.
АТР туркумига кирувчи “Apia International” турнирида иштирок этган ҳамюртимиз бир куннинг ўзида ҳам яккалик ва ҳам жуфтликда мағлубиятга учради.
Яккаликда қозоғистонлик Михаил Кукушинга қарши кортга чиққан Денис икки сет давом этган баҳсда 3:6 ва 6:7 ҳисобларида мағлубиятга учради ва биринчи давранинг ўзидаёқ мусобақани тарк этадиган бўлди.
Жуфтлик баҳсларида Андрей Голубев билан бирга кортга чиққан Истомин Айсам ал-Ҳақ Қурайший ва Ненад Зимонжич жуфтлигига икки сет якунига кўра, 4:6, 4:6 ҳисобларида ютқазиб қўйишди. Шу тариқа Денис Истомин Сиднейни жуда эрта тарк этди.
