Аdidas компанияси "Барселона" ҳужумчиси Лионель Мессининг қайси спорт бренди билан уйғунлиги борасида изланиш олиб борди.
Сўровнома натижаларига кўра, сўралганларнинг 70 фоизи Мессини Nike компанияси билан боғламоқда, бу компания "Барселона"нинг техник ҳомийси ҳисобланади. Фақат 30 фоиз одамларгина футболчи билан шартномага эга Аdidas'ни кўрсатишди.
Германия спорт брендининг раҳбарияти, агар Месси "Челси" ёки "Манчестер Юнайтед"га ўтса, adidas кўпроқ фойда кўради деб ҳисобламоқда. Компания аргентиналик футболчини қўлга киритишда клубга ёрдам бериши мумкин, дея хабар беради As.
