"Локомотив" ҳужумчиси Иван Нагаев Кувайтнинг "Ал-Қодисия" клубига ижарага берилди.
Осиё Чемпионлар лигасининг плей-офф босқичида қатнашаётган ва гуруҳ босқичига йўл олишни мақсад қилган, ўз чемпионатида совринли ўринлар учун курашаётган Кувайт жамоаси ўз ҳужум чизиғини кучайтиришга эҳтиёж сезаётган боис Нагаев бўйича таклиф билан чиқди. "Локомотив" ўз ҳужумчисини ижара асосида 2015 йилнинг июнига қадар "Ал-Қодисия"а беришга розилик берди.
Айни вақтда "Ал-Қодисия" Кувайт чемпионатида ўтказилган 12 турдан кейин 4-ўринни эгаллаб турибди.
Шу йилнинг 10 февраль кунида эса бу жамоа ОЧЛ плей-офф босқичи доирасида Иорданиянинг "Ал-Вихдат" жамоасига қарши майдонга тушади.
"Локомотив" футбол клуби Иван Нагаевга Кувайтдаги фаолиятида муваффақият тилайди.
