Голландия футбол федерацияси президенти Майкл ван Праг ФИФА президенти лавозими учун ўз номзодини қўйишга қарор қилди. Яқин кунларда у ёзма ариза билан бирга бошқа 5та федерациянинг қўллаб-қувватловчи декларациясини ФИФАга тақдим қилади.
«Мени ФИФАдаги вазият ташвишга солмоқда. Ташкилотнинг фаолиятини нормаллаштириш лозим. У яна бор эътиборини футболга қаратиши керак.
Ҳеч ким Блаттерга қарши ўз номзодини илгари сурмаганидан кейин мен ўз номзодимни қўйишга қарор қилдим», – дейди ван Праг.
Шу тариқа, ван Праг ФИФАнинг амалдаги президенти Йозеф Блаттер, ФИФАнинг собиқ бош котиби Жером Шампань ва Иордания шаҳзодаси Али бин Ҳусайн билан бирга ташкилот раҳбарлиги учун сайловда иштирок этадиган бўлди.
