"Рома" клубининг спорт директори Вальтер Сабатини жамоа бош мураббий Руди Гарсияга катта ишонч билан қарашини маълум қилди.
Римликлар А серияда 43 очко тўплаб, иккинчи ўринда бормоқдалар ва биринчи ўриндаги "Ювентус"дан 7 очко ортда қолмоқдалар.
"Гарсияга рад қилиб бўлмайдиган таклифлар тушди, аммо у "Рома"да қолишни истамоқда. Ҳозир бизга ғалабалар зарур. Гарсия скудеттони қўлга киритмагунча "Рома"да қолади.
"Бавария"га қарши учрашуваги биринчи мағлубиятдан сўнг бизга қийин бўлди. Биз ўзимиздан кучли рақибга дуч келдик. Биз даҳшатли мағлубиятдан қочиб қутула олмадик. Ўйлашумча, ўшанда ўзимизга бўлган ишончни йўқотган эдик", - дейди Сабатини.
