"Палермо"га қарши учрашувда (3:0) "дубль"га эришган "Интер" ҳужумчиси Мауро Икарди мухлислар билан учрашди.
Эслатиб ўтамиз, "Сассуоло"га қарши учрашувдаги мағлубиятдан сўнг (1:3) 21 ёшли футболчи футболкасини мухлисларга улоқтирган, аммо мухлислар унинг футболкасини қайтариб унинг ўзига отган эдилар, шундан сўнг Икарди мухлислар билан жанжаллашиб кетган эди. "Палермо" билан учрашувда Мауро урган голларини нишонламаган эди.
Corriere dello Sport хабарига кўра, ҳужумчи ва мухлислар ярашиб олдилар.