Тошкентнинг "Локомотив" жамоаси кеча Туркияда Қозоғистоннинг "Астана" жамоаси билан назорат учрашувида майдонга тушди.
Ўйиннинг дастлабки 30 дақиқаси тенгкурашлар остида кечган бўлса, шундан кейин ташаббус ва тўп назорати тўлалигича Абрамов шогирдлари томонига ўтди. Асабийлаша бошлаган Қозоғистон чемпионлари қўпол ўйнай бошлашди. Жамоалар бир нечта имкониятлардан фойдалана олишмади. Ўйиннинг 77-дақиқасида Элдос Аҳметов майдондан четлатилган бўлса, орадан 1 дақиқа ўтиб темирйўлчилар ҳисобни очишди. Сардор Мирзаев жарима майдончаси ичида чақон ҳаракат қилди ва дарвозани ишғол қилди.
Шу тариқа, жамоамиз қўшни мамлакат чемпиони устидан кичик ҳисобда ғалаба қозонишди. Ўтган йили мавсум аввалида Абрамов "Астана" бош мураббий этиб тайинланиб, бу жамоада бир неча кун ишлаганидан кейин клубни тарк этишга мажбур бўлганди.
Назорат учрашуви
«Локомотив» - «Астана» — 1:0 (0:0)
Гол: Сардор Мирзаев 78 (0:1)
Четлатиш: Элдос Ахметов 77
"Локомотив": Сардор Қобулжонов, Саҳоб Жўраев, Неманья Иличич, Ислом Тўхтахўжаев, Шавкат Муллажонов, Лутфулло Тўраев, Икром Алибоев, Вилья, Карен Абрамов, Дониёр Усмонов, Марат Бикмаев
Захира: Аброр Каримов, Сергей Прохоров, Жасур Ҳасанов, Олег Зотеев, Дилшод Раҳматуллаев, Санжар Шоаҳмедов, Темурхўжа Абдухолиқов, Руслан Карян, Сардор Мирзаев
«Астана»: Логиновский, Ахметов (Саулет 77), Постников, Ларсен, Пикалкин, Джолчиев (Мендыбаев 72), Жуков, Каньяс, Кетевоама, Максимович, Твумаси (Кульбеков 79).
